ރަސްމާލޭގައި ކުރިއަށްގެންދަން ނިންމާފައިވާ އިޤްތިޞާދީ މަޝްރޫޢުގެ ސަބަބުން، އެތަނުން އިޖުތިމާޢީ ބޯހިޔާވަހިކަން ފޯރުކޮށްދޭން ސަރުކާރުން ނިންމާފައިވާ މަޝްރޫޢުތަކަށް އެއްވެސް ބަދަލެއް ނާންނާނެ ކަމުގެ ޔަޤީންކަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވައިފިއެވެ.
ނޭޝަން ޗެޓް ޕްރޮގްރާމުގައި ވާހަކަފުޅުދައްކަވަމުން ރައީސް ވިދާޅުވީ، ރަސްމާލޭގެ 1,100 ހެކްޓަރުގެ ބިން ހިއްކުމުގެ 70 އިންސައްތަ ނިމިފައިވާ ކަމަށާއި ކުރިއަށްއޮތް 2-3 މަސްދުވަހުގެ ތެރޭގައި ހިއްކާ ނިމޭނެ ކަމަށެވެ.
އަދި ބޭރުގެ ކުންފުންޏަކަށް އިންވެސްޓްކުރަން ފުރުޞަތު ދިން ނަމަވެސް، ރައްޔިތުންނަށް ކަނޑައަޅާފައިވާ އެއްވެސް ގޯއްޗެއް ނުވަތަ ފްލެޓް މަޝްރޫޢެއް ކެންސަލް ނުވާނެ ކަމަށް އެމަނިކުފާނު ވިދާޅުވިއެވެ.
މުޅި މަޝްރޫޢަކީ 10 އަހަރުގެ ޕްލޭނެއް ނަމަވެސް، އަންނަ އަހަރުގެ ކުރީކޮޅު ޔުޓިލިޓީގެ މަސައްކަތްތައް ފެށުމަށް ދަނީ ތައްޔާރުވަމުންނެވެ.
