ރައްޔިތުންގެ މަޖިލީހުގެ މެންބަރުންނަށް ދައުލަތުގެ ބަޖެޓުން ހަރަދުކޮށްގެން ފޯރުކޮށްދޭ އަގުބޮޑު ހެލްތު އިންޝުއަރެންސްގެ ހިދުމަތް ކަނޑާލުމަށް ގޮވާލައި ތައްޔާރުކުރި އީ-ޕެޓިޝަނަށް ބޭނުންވާ އަދަދަށް ސޮއި ހަމަކޮށްފިއެވެ.
މި ޕެޓިޝަނަކީ އާންމު ރައްޔިތުންނަށް ނުލިބޭ ފަދަ ހާއްސަ އިނާޔަތްތަކެއް މަޖިލިސް މެންބަރުންނަށް ލިބެމުންދާތީ، އެކަމާ ދެކޮޅަށް އަޑުއުފުލުމުގެ ގޮތުން ހުށަހެޅި ޕެޓިޝަނެކެވެ. މި ޕެޓިޝަންގައި މައިގަނޑު ގޮތެއްގައި ގޮވާލާފައިވަނީ މިހާރުގެ މެންބަރުންނާއި ކުރީގެ މެންބަރުންގެ އިތުރުން އެ ބޭފުޅުންގެ އާއިލާތަކަށް ދައުލަތުގެ ހަރަދުގައި ރާއްޖެއާއި ސާކް ގައުމުތަކުގެ އިތުރުން އާސިއާންގެ ގައުމުތަކުން ސިއްހީ ފަރުވާ ލިބޭ ގޮތަށް އޮންނަ ހާއްސަ އިންޝުއަރެންސް ސްކީމް ހުއްޓާލުމަށެވެ.
އަދި، މެންބަރުންނަށް ވެސް އާންމު ރައްޔިތުންނެކޭ އެއްފަދައިން އާސަންދައިގެ ހިދުމަތް ލިބޭނެ އިންތިޒާމު ހަމަޖެއްސުމަށް ވެސް މި ޕެޓިޝަންގައި ވަނީ އެދިފައެވެ. ރައްޔިތުންގެ މަޖިލީހުގެ އިމްތިޔާޒުތަކާއި ބާރުތަކުގެ ގާނޫނުގެ ދަށުން މަޖިލިސް މެންބަރުންނާއި އެ ބޭފުޅުންގެ އާއިލާތަކަށް މިފަދަ ބޮޑެތި އިނާޔަތްތައް ލިބިދީފައިވެއެވެ. ނަމަވެސް، ގައުމުގެ އިގުތިސޯދީ ހާލަތު ހުރި ގޮތުންނާއި، އާންމު ރައްޔިތުންނާ މެދު ބޮޑެތި ތަފާތުކުރުންތަކެއް ގެންގުޅޭ ކަމަށް ބުނެ ގިނަ ބަޔަކު ދަނީ މިކަމާ މެދު ކަންބޮޑުވުން ފާޅުކުރަމުންނެވެ.
މި ޕެޓިޝަނަކީ އާންމު ރައްޔިތުންނަށް ނުލިބޭ ފަދަ ހާއްސަ އިނާޔަތްތަކެއް މަޖިލިސް މެންބަރުންނަށް ލިބެމުންދާތީ، އެކަމާ ދެކޮޅަށް އަޑުއުފުލުމުގެ ގޮތުން ހުށަހެޅި ޕެޓިޝަނެކެވެ. މި ޕެޓިޝަންގައި މައިގަނޑު ގޮތެއްގައި ގޮވާލާފައިވަނީ މިހާރުގެ މެންބަރުންނާއި ކުރީގެ މެންބަރުންގެ އިތުރުން އެ ބޭފުޅުންގެ އާއިލާތަކަށް ދައުލަތުގެ ހަރަދުގައި ރާއްޖެއާއި ސާކް ގައުމުތަކުގެ އިތުރުން އާސިއާންގެ ގައުމުތަކުން ސިއްހީ ފަރުވާ ލިބޭ ގޮތަށް އޮންނަ ހާއްސަ އިންޝުއަރެންސް ސްކީމް ހުއްޓާލުމަށެވެ.
އަދި، މެންބަރުންނަށް ވެސް އާންމު ރައްޔިތުންނެކޭ އެއްފަދައިން އާސަންދައިގެ ހިދުމަތް ލިބޭނެ އިންތިޒާމު ހަމަޖެއްސުމަށް ވެސް މި ޕެޓިޝަންގައި ވަނީ އެދިފައެވެ. ރައްޔިތުންގެ މަޖިލީހުގެ އިމްތިޔާޒުތަކާއި ބާރުތަކުގެ ގާނޫނުގެ ދަށުން މަޖިލިސް މެންބަރުންނާއި އެ ބޭފުޅުންގެ އާއިލާތަކަށް މިފަދަ ބޮޑެތި އިނާޔަތްތައް ލިބިދީފައިވެއެވެ. ނަމަވެސް، ގައުމުގެ އިގުތިސޯދީ ހާލަތު ހުރި ގޮތުންނާއި، އާންމު ރައްޔިތުންނާ މެދު ބޮޑެތި ތަފާތުކުރުންތަކެއް ގެންގުޅޭ ކަމަށް ބުނެ ގިނަ ބަޔަކު ދަނީ މިކަމާ މެދު ކަންބޮޑުވުން ފާޅުކުރަމުންނެވެ.
މި ޕެޓިޝަން މަޖިލީހަށް ހުށަހެޅުމަށް ބޭނުންވާ ސޮއި ވަރަށް އަވަހަށް ހަމަވެފައިވާއިރު، މިއީ ރާއްޖޭގައި މިހާތަނަށް އެންމެ ހަލުވި މިނެއްގައި ސޮއި ހަމަވި އެއް ޕެޓިޝަން ކަމަށް މައުލޫމާތު ލިބެއެވެ. މި ޕެޓިޝަން ރައްޔިތުންގެ މަޖިލީހަށް ހުށަހެޅުމުން، މަޖިލީހުގެ ކަމާބެހޭ ކޮމިޓީން މި މައްސަލަ ދިރާސާކޮށް ގޮތެއް ނިންމަން ޖެހޭނެއެވެ.
