ފީނަން އެރި އުޅުނު ފަތުރުވެރިއަކު ޖުލައި 06 ވަނަ ދުވަހު ނިޔާވެފައިވާކަމަށް ދިވެހި ފުލުހުންގެ ޚިދުމަތުން ބުނެފިއެވެ.
މިކަން ހާމަކޮށް ފުލުހުން މީޑިއާތަކަށް ފޮނުވި މެސެޖުގައި ބުނީ، އދ. އަތޮޅުގައި ހިންގާ ރިސޯޓެއްގެ ފުއްޓަރުފަރާތު ބޭރަށް ފީނަން އެރި އުޅުނު ފަތުރުވެރިއެއް ނިޔާވެފައިވާ މައްސަލަ އެއް ޖުލައި 06 ވަނަ ދުވަހު 12:28 ހާއިރު ފުލުހުންނަށް ހުށަހަޅާފައިވާކަމަށެވެ.
އަދި ނިޔާވެފައިވަނީ އެމެރިކާއަށް ނިސްބަތްވާ 47 އަހަރުގެ ފިރިހެނެއްކަމަށާއި އެ މައްސަލަ ފުލުހުން ތަހުގީގުކުރަމުންދާކަމަށް ފުލުހުން ބުނެފައިވެއެވެ.
މިހާދިސާ އާ ގުޅޭ އިތުރު މައުލޫމާތެއް ފުލުހުން ހިއްސާކޮށްފައި ނުވެއެވެ.
