ޕާކިސްތާނާއި އިންޑިޔާއިން އަމާންކަން ޚިޔާރުކޮށް މައްސަލަ ހައްލުކުރަން ނިންމުމުން ރާއްޖެއިން އެކަމަށް މަރުޙަބާ ކިޔައިފިއެވެ.
އެގޮތުން ސޯޝަލް މީޑިޔާގައި ޙިއްސާކުރެއްވި ޕޯސްޓެއްގައި ޚާރިޖީ ވަޒީރު ޑރ. ޢަބްދުﷲ ޚަލީލް ވަނީ ޕާކިސްތާނާއި އިންޑިޔާއިން އަމާންކަން ޚިޔާރުކޮށް މައްސަލަ ހައްލުކުރަން ނިންމުމުން ތަޢުރީފުކުރައްވައި، މިއީ ސަރަހައްދީ ހަމަޖެހުމަށް އެޅުނު މުހިންމު ފިޔަވަޅެއްކަމަށް ވިދާޅުވެފައެވެ. އަދި އެ ދެ ޤައުމުގެ ޙަމަލާ ބަދަލުކުރުން ހުއްޓާލުމާ ގުޅިގެން ދެ ޤައުމަށްވެސް ވަޒީރު ވަނީ މަރުޙަބާ ވިދާޅުވެފައެވެ.
I welcome the announcement of an immediate ceasefire between #India and #Pakistan. We commend the leadership of both countries for choosing the path of peace & dialogue, and for taking steps towards regional stability.
— Abdulla Khaleel (@abkhaleel) May 10, 2025
ދެކުނު އޭޝިޔާ ސަރަޙައްދުގެ މައި ދެ ބާރުގެ ގޮތުގައި ބެލެވޭ އިންޑިޔާއާއި ޕާކިސްތާނާ ދެމެދު ބަދަލު ކުރަމުންދާ ޙަމަލާތައް ހުއްޓުމަކަށް ގެނައުމަށް ދުނިޔޭގެ ބާރުތަކުން ދިޔައީ މަސައްކަތް ކުރަމުންނެވެ. ޙަމަލާ ބަދަލު ކުރުން މެދުކަނޑައިލައި، މަޝްވަރާއާއި ސުލްޙަ އިސް ކުރުމަށް ބާރު އަޅަމުންދިޔައީ އެމެރިކާއާއި ޗައިނާ ފަދަ ޤައުމުތަކުންނެވެ. އަދި އިންޑިއާ އާއި ޕާކިސްތާނުން ހަމަލާ ބަދަލުކުރުން ހުއްޓާލަން އެއްބަސްވިކަން ހާމަކުރެއްވީ އެމެރިކާގެ ރައީސް ޑޮނަލްޑް ޓްރަމްޕްއެވެ.
