ހުޅުމާލެ މުދާ ޖެޓީ ސަރަޙައްދުގައި އަޅާފައިވާ އުޅަނދުތައް 14 އެޕްރީލް 2025 ވާ އަންގާރަ ދުވަހުގެ 00:00 ގެ ކުރިން ނެގުމަށް ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީން) އަންގައިފިއެވެ.
އެޗްޑީސީން މިއަދު ކުރި އިޢުލާނެއްގައި މިހެން އަންގާފައިވަނީ ހުޅުމާލެ މުދާ ޖެޓީ ތަރައްޤިކުރުމުގެ މަޝްރޫއު ފެށުމަށް ތައްޔާރުވުމުގެ ގޮތުންކަމަށް ބުނެފައިވެއެވެ.
ހުޅުމާލެ މުދާ ޖެޓީ ސަރަހައްދުގައި އަޅާފައިވާ އުޅަނދުތައް ނެގުމާއި ގުޅޭ
އިއުލާން: https://t.co/hW0w8hcUoI#އެޗްޑީސީއާއެކު pic.twitter.com/IZPQReJFuR— Housing Development Corporation (@hdcmaldives) April 9, 2025
އެހެންކަމުން، އެ މަސައްކަތުގެ ތެރެއިން އެ ސަރަހައްދުގައި އަޅާފައިވާ އުޅަނދުތަކަށް ލިބިދާނެ ގެއްލުމަކުން ރައްކާތެރިވުމުގެ ގޮތުން އެ އިޢުލާނާއެކު އެއްކަރުދާސްކޮށްފައިވާ ޗާޓުގައި ފާހަގަކޮށްފައިވާ ސަރަހައްދުގައި އަޅާފައިވާ އުޅަނދުތައް 14 އެޕްރީލް 2025 ވާ އަންގާރަ ދުވަހުގެ 00:00 ގެ ކުރިން ނެގުމަށް އެޗްޑީސީން ބުނެފައިވެއެވެ.
މީގެ އިތުރުން، ދެންނެވުނު މުއްދަތުގެ ތެރޭގައި އުޅަނދުތައް އެ ސަރަހައްދުން ނަގާފައި ނުވާނަމަ، އެ އުޅަނދުތަކަށް ލިބިދާނެ ގެއްލުމަކަށް އެ ކޯޕަރޭޝަނުން ޒިންމާ ނުވާނެކަމަށްވެސް އެޗްޑީސީން ވަނީ ބުނެފައެވެ.
