ރިޕަބްލިކް އޮފް ސެނެގާލްގެ މިނިވަންދުވަހުގެ މުނާސަބަތުގައި އެ ޤައުމުގެ ފޮރިން މިނިސްޓަރު ޔަސިން ފޯލްއަށް، ޚާރިޖީ ވަޒީރު ޑރ. ޢަބްދުﷲ ޚަލީލް ތަހުނިޔާގެ މެސެޖެއް ފޮނުއްވައިފިއެވެ.
ސެނެގާލް ފްރާންސްގެ އަޅުވެތިކަމުން މިނިވަންވީ 4 އޭޕްރީލް 1960 ވަނަ އަހަރުއެވެ.
ވަޒީރު ފޮނުވި މެސެޖުގައި ސެނެގާލްގެ މިނިވަން ދުވަހުގެ މުނާސަބަތުގައި، ދިވެހި ސަރުކާރާއި ދިވެހި ރައްޔިތުންގެ ނަމުގައި ޔަސިން ފޯލްއަށާއި ސެނެގާލްގެ ރައްޔިތުންނަށް ތަހުނިޔާއާއި ހެޔޮއެދުންތައް އަރިސްކުރެއްވިއެވެ.
Minister Dr. Abdulla Khaleel sends Independence Day greetings to the Republic of Senegal
📃 Press Release | https://t.co/nIeiWorqMD pic.twitter.com/jzi6AGE3LW
— Ministry of Foreign Affairs 🇲🇻 (@MoFAmv) April 4, 2025
އަދި ވަޒީރުގެ މެސެޖުގައި އެކަމަނާއަށް ފުރިހަމަ ޞިއްޙަތާއި ސެނެގާލްގެ ރައްޔިތުންނަށް ކުރިއެރުމާއި ފާގަތިކަން ލިބުމަށް އެދޭ ކަމަށް ދަންނަވާފައިވެއެވެ.
