އަމީނީ މަގު މަރާމާތުކުރުމުގެ މަޝްރޫއުގެ ތެރެއިން ދެވަނަ ސެގްމަންޓުގައި ތާރުއެޅުމުގެ މަސައްކަތް އެމްޓީސީސީއިން ނިންމާލައިފިއެވެ.
މި މަޝްރޫއުގެ ފުރަތަމަ ސެގްމަންޓު (އިއްޒުއްދީން މަގުން ފެށިގެން ދަރުމަވަންތަ ހޮސްޕިޓަލު ކައިރީ އޮންނަ ޕާކާ ހަމައަށް) ތާރުއެޅުމުގެ މަސައްކަތް މި މަހުގެ 15 ވަނަ ދުވަހު ނިންމާލުމަށްފަހު، ދެވަނަ ސެގްމަންޓުގައި ކުރިން އަޅާފައިވާ ތާރުގަނޑު ނަގައި އަލުން ތާރުއެޅުމުގެ މަސައްކަތް ފެށީ މި މަހުގެ 23 ވަނަ ދުވަހުއެވެ.
އެމްޓީސީސީއާ މިއަހަރުގެ ޖޫން މަހު ހަވާލުކުރި މި މަޝްރޫއުގެ ދަށުން މަގު މަރާމާތުކުރަނީ ދެ ފަށަލައަށް ތާރު އަޅައިގެންނެވެ.
We have completed the asphalt works of the segment 2 of Ameenee Magu.
The development of improved road infrastructure will help provide smoother and more convenient travel for the residents of Malé City, while contributing to a better-connected and more accessible city.… pic.twitter.com/zTe4AZqN8e
— MTCC Plc (@MTCCPlc) September 28, 2026
މިހާރު ފުރަތަމަ ފިޔަވަހީގައި މަގުމަތީގެ ނިޝާންތައް ކުރެހުމާއި ޔުޓިލިޓީ ޖަންކްޝަންތައް އެއްވަރުކުރުމުގެ މަސައްކަތް ނިންމައި މަގު ހުޅުވާލުމަށް ދަނީ ތައްޔާރުވަމުންނެވެ. އަމީނީ މަގުގެ ތާރުގަނޑު ކުރިން އަވަހަށް ހަލާކުވާން ދިމާވި މައިގަނޑު ސަބަބަކީ ތާރުގަނޑު ރަނގަޅަށް ނުހިކެނީސް، ޚާއްސަކޮށް ބަސް ފަދަ ބަރު އުޅަނދުފަހަރަށް މަގު ހުޅުވާލުން ކަމަށް ފަންނީ ބޭފުޅުން ފާހަގަކުރައްވައެވެ.
