އަސާސީ ކާބޯތަކެތީގެ އަގުތައް އެއްތަނަކުން ބަލާލެވޭ "އަގުމަގު" ޕޯޓަލްގައި ބައިވެރިވުމުގެ ފުރުޞަތު ރާއްޖޭގެ ހުރިހާ ފިހާރަތަކަށް އިކޮނޮމިކް މިނިސްޓްރީން ވަނީ ހުޅުވާލައިފައެވެ.
މިހާތަނަށް މި ޕޯޓަލް މެދުވެރިކޮށް ފެންނަން ހުރީ ހަމައެކަނި މާލެ ސަރަޙައްދުގެ ފިހާރަތަކާއި މާރުކޭޓުތަކުން އިންސްޕެކްޝަން ޓީމުތަކުން އެއްކުރި މަޢުލޫމާތު ކަމަށްވީ ނަމަވެސް، "އަގުމަގު" އެޕްލިކޭޝަން ތަޢާރަފްކުރުމާއެކު އަތޮޅުތެރޭގެ ރަށްރަށުގައި ތަކެތި ވިއްކަން ހުންނަ އަގުތައްވެސް މިހާރު ފެންނާނެއެވެ.
އަގުމަގު ޕޯޓަލްގައި ބައިވެރިވުމުގެ ފުރުޞަތު މިހާރު ވަނީ ހުރިހާ ފިހާރަތަކަށް ހުޅުވާލެވިފައި.
ކިޔުއާރު ކޯޑު ސްކޭންކޮށްލައްވައިގެން ނުވަތަ ތިރީގައިވާ ލިންކް މެދުވެރިކޮށް އަވަހަށް އަގުމަގު ޕޯޓަލްގައި ރަޖިސްޓްރީ ކޮށްލައްވާ!https://t.co/Wv8No13pT7 pic.twitter.com/MWEFbkY95s
— Ministry of Economic Development,Transport & Trade (@MoEDmv) August 10, 2026
މި ޕޯޓަލްގައި ރަޖިސްޓްރީވުމުން، ފިހާރަތަކުގައި ހުރި މުދަލުގެ އަގުތަކާއި ސްޓޮކުގެ މަޢުލޫމާތު އާންމު ކަސްޓަމަރުންނަށް ފޯރުކޮށްދެވޭނެއެވެ. ވިޔަފާރިތަކަށް http://agumagu.trade.gov.mv ލިންކު ނުވަތަ ކިއުއާރު ކޯޑު މެދުވެރިކޮށް ރަޖިސްޓްރީވެވޭނެއެވެ. މި ޕޯޓަލްގައި ހިމެނޭ އަސާސީ ކާބޯތަކެތީގެ ލިސްޓަކީ ބައިނަލްއަޤްވާމީ އަދި ޤައުމީ މިންގަނޑުތަކަށް ރިއާޔަތްކޮށް ތައްޔާރުކޮށްފައިވާ ލިސްޓެކެވެ.
