މެދުއިރުމަތީގެ މަސްރަހު އިތުރަށް ހޫނުވަމުންދާ ދަނޑިވަޅެއްގައި، އެމެރިކާއިން އިރާނާ ދިމާލަށް ތިންވަނަ އެއާކްރާފްޓް ކެރިއަރު ފޮނުވަން ނިންމައިފިކަން އެމެރިކާގެ ސަރުކާރުގެ މަސްއޫލުވެރިޔަކު ހާމަކުރައްވައިފިއެވެ.
މި ނިންމުމަކީ އެ ސަރަހައްދުގައި އެމެރިކާގެ އަސްކަރީ ބާރު އިތުރަށް ވަރުގަދަކޮށް، އިރާނުގެ ފަރާތުން ކުރިމަތިވެދާނެ ނުރައްކާތަކުން ދިފާއުވުމަށާއި ސަރަހައްދީ ސަލާމަތްތެރިކަން ކަށަވަރުކުރުމަށް އެޅި ފިޔަވަޅެއް ކަމަށް ރިޕޯޓުތައް ބުނެއެވެ.
މި ފަހަކަށް އައިސް މެދުއިރުމަތީގައި ނުވަތަނަވަސްކަން ބޮޑުވެ، ކަނޑުމަތީގެ ދަތުރުފަތުރަށް ހުރަސްއެޅެމުންދާތީ އެމެރިކާއިން ދަނީ އެ ސަރަހައްދަށް އިތުރު އަސްކަރީ އުޅަނދުފަހަރާއި ސިފައިން ފޮނުވަމުންނެވެ. ތިންވަނަ އެއާކްރާފްޓް ކެރިއަރު ފޮނުވުމާއެކު، އިރާނާއި އެމެރިކާއާ ދެމެދު އޮތް އަސްކަރީ ކުރިމަތިލުންތަކުގެ ނުރައްކާ އިތުރަށް ބޮޑުވެގެންދާނެ ކަމަށް މަޝްރަހު ދިރާސާކުރާ ފަރާތްތަކުން ފާހަގަކުރެއެވެ.
