އިނގިރޭސިވިލާތުން ރާއްޖެއަށް ކަޑައަޅުއްވާފައި ހުންނަވާ ހައި ކޮމިޝަނަރ ހިޒް އެކްސަލަންސީ ނިކޮލަސް ޑޭވިޑް ލޯ، މިނިސްޓަރ ޑރ. އިސްމާޢީލް ޝަފީއުގެ އަރިހަށް އިޙުތިރާމުގެ ޒިޔާރަތެއް ކުރައްވައިފިއެވެ.
މި ބައްދަލުވުމުގައި މިނިސްޓަރ ވަނީ ދިވެހިރާއްޖޭގެ ތަޢުލީމީ ދާއިރާ ތަރައްޤީކުރުމަށް އިނގިރޭސިވިލާތުން ފޯރުކޮށްދެމުންދާ އެހީތެރިކަމުގެ މުހިންމުކަން ފާހަގަކުރައްވާފައެވެ.
މީގެ އިތުރުން، ދެ ޤައުމުގެ މެދުގައި ތަޢުލީމީ ދާއިރާއިން އިތުރަށް ގުޅުން ބަދަހިކުރުމާ ގުޅޭގޮތުން ވަނީ މަޝްވަރާކުރައްވާފައެވެ.
މި ބައްދަލުވުމުގައި މިނިސްޓަރގެ އިތުރުން ސްޓޭޓް މިނިސްޓަރ ޑރ. އަޙުމަދު މުޙައްމަދު އާއި ސްޓޭޓް މިނިސްޓަރ ޑރ. ޢަބްދުއްލަޠީފް މުޙައްމަދު ބައިވެރިވެ ވަޑައިގެންނެވިއެވެ.
