ކ. ތުލުސްދޫ ކަނޑުއޮޅި ކައިރިން މިރޭ ދެ ލޯންޗު ޖެހި ހިނގި ނުރައްކާތެރި އެކްސިޑެންޓެއްގައި 5 މީހަކަށް އަނިޔާވެ، އިތުރު ފަރުވާއަށް މާލެ ގެނައުމުގެ މަސައްކަތް ފަށައިފިއެވެ.
ފުލުހުންގެ ޚިދުމަތުން ހާމަކުރެއްވި ގޮތުގައި، ތުލުސްދޫ ކަނޑުއޮޅި ކައިރިން ދެ ލޯންޗު އެކްސިޑެންޓުވި ކަމުގެ މައުލޫމާތު ލިބިފައިވަނީ މިރޭ 19:19 ހާއިރުއެވެ. މި ހާދިސާއާ ގުޅިގެން މެރިން ޕޮލިސްއިން ދަނީ އެ ސަރަހައްދުގައި ހަރަކާތްތެރިވަމުންނެވެ.
މި އެކްސިޑެންޓުގައި އަނިޔާވި 5 މީހުންނަށް ތުލުސްދޫ ހޮސްޕިޓަލުގައި ފަރުވާ ދިނުމަށްފަހު، އިތުރު ފަރުވާއަށް މާލެ ގެނައުމުގެ މަސައްކަތް ތުލުސްދޫ ޕޮލިސްއާ ގުޅިގެން ދަނީ ކުރަމުންނެވެ. ފުލުހުންގެ ތަރުޖަމާނު އަޙްމަދު ޝިޔާމް ކުރިން ވިދާޅުވި ގޮތުގައި، އަނިޔާވި މީހުންގެ ތެރެއިން އެކަކުގެ ފައި ވަނީ ބިންދައިގެން ގޮސްފައެވެ.
