ސައްހަނޫން ބޭންކު ސްލިޕު ފޮނުވައިގެން ތަކުރާރުކޮށް ކާތަކެތި އޯޑަރުކުރި މައްސަލައެއްގެ ތުހުމަތުގައި ގދ. ފަރެސްމާތޮޑާއަށް ނިސްބަތްވާ އުމުރުން 23 އަހަރުގެ ޒުވާން ފިރިހެނަކު ފުލުހުން ހައްޔަރުކޮށްފިއެވެ.
ކްރިމިނަލް ކޯޓުން ވަނީ އޭނާގެ ބަންދަށް 15 ދުވަހުގެ މުއްދަތެއް ދީފައެވެ.
ކޯޓު އަމުރުގައިވާ ގޮތުން، ސައްހަނޫން ސްލިޕް ފޮނުވައިގެން އޯޑަރުކުރި ކާތަކެއްޗާ ހަވާލުވީ އޭނާކަން އެނގޭ ވަރަށް ފުލުހުން ވަނީ ހެކި ހުށަހަޅާފައެވެ. އަދި އޭނާއަކީ ކުށުގެ ރެކޯޑު އޮތް މީހެއްކަންވެސް އަމުރުގައި ފާހަގަކޮށްފައިވެއެވެ. ސައްހަނޫން ސްލިޕް ފޮނުވައިގެން ވިޔަފާރިކުރާ މައްސަލަތަކުގައި މީގެކުރިންވެސް އެކި މީހުން ހައްޔަރުކޮށްފައިވެއެވެ.
