ބޮޑުތަކުރުފާނު މަގު ޒަމާނީ ފެންވަރަށް ތަރައްގީކުރުމުގެ މަޝްރޫއުގެ ތިންވަނަ ފިޔަވަހީގެ އަމަލީ މަސައްކަތް ފެށުމަށްޓަކައި، ސުނާމީ ބިނާއިން ފެށިގެން އެމްޕީއެލްއާ ހަމައަށް އޮތް ސަރަހައްދު ހުސްކުރުމަށް ބިނާރާއި ގެދޮރުވެރިކަމާއި އުމްރާނީ ތަރައްގީއާ ބެހޭ ވުޒާރާއިން އަންގައިފިއެވެ.
މާލެ ބޮޑުތަކުރުފާނު މަގު ޒަމާނީ ފެންވަރަށް ތަރައްޤީ ކުރުމުގެ މަޝްރޫޢާ ގުޅޭ
އިއުލާނު: https://t.co/NBlMWMs3aM pic.twitter.com/T9oph3A1vl
— Ministry of Infrastructure, Housing and Urban Dev. (@MIHUDmv) September 30, 2026
އެގޮތުން، އެ މަގުގައި ބަހައްޓާފައިވާ އުޅަނދުތަކާއި ސުނާމީ ބިނާ ސަރަހައްދުގައި އަޅާފައިވާ އުޅަނދުފަހަރު އޮކްޓޯބަރު 3 ވާ ހޮނިހިރު ދުވަހުގެ ރޭ 11:00 ގޭ ކުރިން ނެގުމަށް ވަނީ އަންގާފައެވެ.
އެ ވުޒާރާއިން ބުނި ގޮތުގައި ކަނޑައެޅިފައިވާ ވަގުތުގެ ކުރިން ނުނަގާ ހުންނަ އުޅަނދުތައް ސަރުކާރުގެ ފަރާތުން ނަގާނެއެވެ. މާލޭގެ ރިންގް ރޯޑް ޒަމާނީ ފެންވަރަށް ތަރައްގީކުރުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ހިއްޕަވާފައިވާ އަމާޒުގެ ދަށުން ކުރިއަށްދާ މި މަޝްރޫއުގެ ކުރީގެ ސެގްމަންޓުތަކުގެ މަސައްކަތް ނިންމައި މިހާރު ވަނީ އާންމުންނަށް ހުޅުވާލާފައެވެ.
