ރ. އަނގޮޅިތީމުގައި އުމުރުން 72 އަހަރުގެ ދިވެހި އަންހެނަކު ނަމާދަށް ހުއްޓައި، މަރައިލާނެކަމުގެ އިންޒާރުދީ ޖިންސީ ގޯނާކުރި މައްސަލައިގައި ހައްޔަރުކުރި މީހާގެ ބަންދަށް ކޯޓުން 15 ދުވަސް ޖަހައިދީފިއެވެ. މި މައްސަލައާ ގުޅިގެން ކޯޓު އަމުރެއްގެ ދަށުން ހައްޔަރުކޮށްފައިވަނީ 44 އަހަރުގެ ދިވެހި ފިރިހެނެކެވެ.
ފުލުހުން ހާމަކުރި ގޮތުގައި، މި ހާދިސާގައި އަނިޔާލިބުނު އަންހެން މީހާއަށް އަނގޮޅިތީމު ސިއްހީ މަރުކަޒުގައި ފަރުވާދިނުމަށްފަހު މިހާރު ވަނީ ދޫކޮށްލާފައެވެ. އެ އަންހެން މީހާއަށް ޖިންސީ ގޯނާކޮށްފައިވަނީ އޭނާ ދިރިއުޅޭ ގޭގެ ކޮޓަރީގައި އިޝާ ނަމާދަށް ހުއްޓައި ކަމަށް މައުލޫމާތު ލިބިފައިވާއިރު، ފުލުހުން އަންނަނީ މި މައްސަލަ ވަރަށް ސީރިއަސް މައްސަލައެއްގެ ގޮތުގައި އިތުރަށް ތަހުގީގު ކުރަމުންނެވެ.
