ސިންގަޕޫރަށް ކުރެއްވި ނުރަސްމީ ދަތުރުފުޅު ނިންމަވައިލެއްވުމަށްފަހު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި އެމަނިކުފާނުގެ އަނބިކަނބަލުން ސާޖިދާ މުޙައްމަދު މިރޭ ރާއްޖެ ވަޑައިގެންފިއެވެ.
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ފުރާވަޑައިގަތީ މި މަހުގެ 26 ވަނަ ދުވަހުގެ ރޭގައެވެ. ރައީސުލްޖުމްހޫރިއްޔާ ކުރައްވާ މިފަދަ ނުރަސްމީ ދަތުރުފުޅުތަކުގައި، އިދާރީ މަސައްކަތްޕުޅުތަކުގެ ޚަރަދާއި، ޢާއިލީ އަދި އަމިއްލަފުޅު ކަންކަން ހިމެނޭގޮތުން ދަތުރުގެ ޚަރަދުތައް ކުރައްވަނީ އެމަނިކުފާނު އަމިއްލަފުޅަށެވެ.
