މިއަދު މެންދުރު މާލެއާއި ހުޅުމާލޭގެ ބައެއް ސަރަހައްދުތަކުން ކަރަންޓު ކެނޑުނު މައްސަލަ ހައްލުކޮށް، އަލުން ކަރަންޓުގެ ޚިދުމަތް ދޭން ފަށާފައިވާކަމަށް ސްޓެލްކޯއިން ވިދާޅުވެއްޖެއެވެ.
ސްޓެލްކޯއިން މައުލޫމާތު ދިން ގޮތުގައި މާލޭގެ މާފަންނާއި، ގަލޮޅު އަދި ހެންވޭރުގެ ބޮޑު ބަޔަކުން ކަރަންޓު ކެނޑެން މެދުވެރިވީ ދިމާވި ޓެކްނިކަލް މައްސަލައަކާ ގުޅިގެންނެވެ.
ނަމަވެސް، މިހާރު އެ މައްސަލަ ހައްލުކޮށް މާލޭގެ ހުރިހާ ފީޑަރުތަކެއް އަލުން ޖައްސައި، ކަރަންޓު މެދުކެނޑުނު ސަރަހައްދުތަކަށް ޚިދުމަތް ވަނީ އިއާދަކޮށްފައެވެ. އަދި މި ކަމުގެ ސަބަބުން އާންމުންނަށް ދިމާވި ދަތިތަކަށް ސްޓެލްކޯއިން ވަނީ މީސްމީޑިއާ މެދުވެރިކޮށް މާފަށް އެދިފައެވެ.
