އިންޑޮނޭޝިއާގެ ސުމަތުރާއަށް މިއަދު އައި ބާރުގަދަ ބިންހެލުމާ ގުޅިގެން ދިވެހިރާއްޖެއަށް އެއްވެސް ނުރައްކަލެއް ނެތް ކަމަށް މޫސުމާ ބެހޭ ޤައުމީ އިދާރާ (މެޓް އޮފީސް) އިން ހާމަކޮށްފިއެވެ. މި ބިންހެލުން އައިސްފައިވަނީ ރާއްޖޭގެ ގަޑިން މިއަދު ހެނދުނުގެ ވަގުތެއްގައެވެ.
މެޓް އޮފީހުން ލިޔުމުން ދެއްވި ބަޔާނެއްގައި ފާހަގަކުރެއްވި ގޮތުގައި، ރިކްޓާ މިންގަނޑުން 7.7 ގެ ބާރުމިނުގައި އައި މި ބިންހެލުމުގެ ސަބަބުން ރާއްޖެއަށް އެއްވެސް އަސަރެއް ކުރާނެ ކަމަށް ނުބެލެވެއެވެ.
މި ބިންހެލުން އައިސްފައިވަނީ ރާއްޖެއާ ގާތްގަނޑަކަށް 5،482 ކިލޯމީޓަރު ދުރަށެވެ. މިއީ އިންޑޮނޭޝިއާއަށް މިއަދު އައި ދެވަނަ ބިންހެލުމެވެ. މި ހާދިސާއާ ގުޅިގެން އެ ޤައުމުގެ ބައެއް ސަރަހައްދުތަކަށް ސުނާމީގެ އިންޒާރު ކުރިން ނެރުނު ނަމަވެސް، ފަހުން ވަނީ އެ އިންޒާރު ކަނޑާލާފައެވެ. މި ބިންހެލުމުގެ ސަބަބުން އެ ޤައުމުގެ ބައެއް އިމާރާތްތަކަށް ގެއްލުންވެ،
ބައެއް މީހުން މަރުވެފައިވާ ކަމަށް ބޭރުގެ މީޑިއާތަކުން ރިޕޯޓްކޮށްފައިވެއެވެ. ރާއްޖޭގެ މެޓް އޮފީހުން ދަނީ މިފަދަ ބިންހެލުންތަކާ ގުޅިގެން ކަނޑުގެ ލޮނުގަނޑަށް އަންނަ ބަދަލުތައް މެދުނުކެނޑި ބަލަމުންނެވެ. އަދި ރާއްޖޭގެ ސަރަހައްދަށް މިކަމުގެ އެއްވެސް ނުރައްކަލެއް ނެތްކަން ކަށަވަރުކޮށްދެމުން، ރައްޔިތުން ސަމާލުވުމަށް އެ އިދާރާއިން އިލްތިމާސްކުރެއެވެ.
