ނ. ވެލިދޫ އިންޑަސްޓްރިއަލް ޒޯން ބިން ހިއްކުމާއި ގޮނޑުދޮށް ހިމާޔަތްކުރުމުގެ މަޝްރޫޢުގެ ދަށުން ބިން ހިއްކުމުގެ މަސައްކަތްތައް ނިންމާލާފައިވާ ކަމަށް އެމްޓީސީސީން ބުނެފިއެވެ.
އެމްޓީސީސީން މިއަދު ހާމަކުރި ގޮތުގައި މިހާރު ކުރިއަށްދަނީ ގޮނޑުދޮށް ހިމާޔަތްކުރުމުގެ މަސައްކަތެވެ. މި މަޝްރޫޢުގެ %65 މަސައްކަތް މިހާރު ނިމިފައިވާ ކަމަށް އެ ކުންފުނިން ބުނެއެވެ.
ވެލިދޫ އިންޑަސްޓްރިއަލް ޒޯން ބިން ހިއްކުމާއި ގޮނޑުދޮށް ހިމާޔަތްކުރުމުގެ މަޝްރޫޢުގެ ޢަމަލީ މަސައްކަތް އެމްޓީސީސީން ފަށާފައިވަނީ މިދިޔަ ޖުލައި މަހުގެ 23 ވަނަ ދުވަހުއެވެ.
Project Update: Land Reclamation and Shore Protection for N. Velidhoo Industrial Zone
We have completed reclamation operations. Shore protection work is currently ongoing. Overall project progress is 65%
Follow more updates at: https://t.co/SfVAzkW2pp #MTCCProjects… pic.twitter.com/dWEgIL5GUR
— MTCC Plc (@MTCCPlc) August 25, 2025
މި މަޝްރޫޢުގެ ދަށުން 2.7 ހެކްޓަރުގެ ސަރަހައްދެއްގެ ބިން ހިއްކުމާއި، 443 މީޓަރުގެ ޖިއޯބޭގް ރިވެޓްމަންޓެއް ޖެހުން ހިމެނެއެވެ. މި މަޝްރޫޢަކީ 33.6 މިލިއަން ރުފިޔާއަށް 210 ދުވަހުގެ ތެރޭގައި ނިންމަން ހަވާލުކޮށްފައިވާ މަޝްރޫޢެކެވެ.
