މިއީ ފަހަރެއްގައިވެސް ކްރޭޝް ޑައެޓެއް ނޫނެވެ. ކުރަން ރަނގަޅު އެހާމެ އިތުބާރުކުރެވޭ ޑައެޓެކެވެ. މި ހަތް ދުވަހުގެ ޑައެޓުގެ ސަބަބުން މި ދުވަސްތަކުގައި ކާތަކެތީގައި ހުންނަ ކެލެރީސްގެ އިތުރުން ހަށިގަނޑުން ގިނަ ބޭހާއި ބެހޭ ކެލެރީސް ތަކެއް އަންދާލައެވެ.
ޑައެޓް ކުރިޔަށް ގެންދާ ކޮންމެ ދުވަހަކުވެސް މަދުވެގެން 10 ތަށި ފެންބޯން ވާނެއެވެ. މި ޑައެޓްގެ އެންމެ މުހިންމު ބަޔަކީ، ޑައެޓްގެ ތެރޭގައި ބޯންޖެހޭ 10 ތަށި ފެނެވެ. އަދި މި ދުވަސް ތަކުގައި ދުވާލެއްގެ މައްޗަށް ބޮވޭނީ އެއް ކަޅު ކޮފީއެވެ.
ފުރަތަމަ ދުވަސް:
މިއަދު ކެވޭނީ ހުސް މޭވާއެވެ. އެކަމަކު މޭވާގެ ތެރެއިން ދޮންކެޔޮ ކައިގެން ނުވާނެއެވެ. ރަނގަޅީ ގިނައިން ކަރާ ބޭނުން ކުރިއްޔާއެވެ. ނުވަތަ މި އާއިލާގެ ތެރެއިން ބޮޑު ކެކުރި ރަނގަޅުވާނެއެވެ. ބަނޑު ބޮޑުވަންދެން މޭވާ ކާށެވެ. މުޅި ދުވަހުގެ ތެރޭގައި 10 ތަށި ފެން ބޯން ސަމާލުކަން ދޭންވާނެއެވެ.
ދެވަނަ ދުވަސް:
ދެވަނަ ދުވަހު ބޭނުން ކުރަންވާނީ ހަމަ އެކަނި ތަރުކާރީގެ ބާވަތްތަކެވެ. ހެނދުނު ސަޔަށް ބޮޑު އަލުތްވެއް ކައްކާލައިގެން ކާށެވެ. ތަރުކާރީގެ ބާވަތްތައް ކައްކައިގެން ނުވަތަ ރޮލާ ކާށެވެ. ކައްކާއިރު ތެޔޮ ނުވަތަ ކާށިކިރު ބޭނުން ނުކުރާށެވެ. ކެއުމުގައި ވަކި ވަރެއް ނެތެވެ. މުޅި ދުވަހުގެ ތެރޭގައި 10 ތަށި ފެން ބޯންޖެހޭނެއެވެ.
ތިންވަނަ ދުވަސް:
ތިން ވަނަ ދުވަހު ބޭނުން ވަރަކަށް މޭވާ އާއި ތަރުކާރީގެ ބާވަތްތައް ކެވިދާނެއެވެ. އެކަމަކު މޭވާގެ ތެރެއިން ދޮންކެޔޮ އަދި ތަރުކާރީގެ ތެރެއިން އަލުވި އެއްގޮތަކަށްވެސް ކައިގެން ނުވާނެއެވެ. ބަނޑު ބޮޑުވަންދެން މޭވާއާއި ތަރުކާރީ ބޭނުން ކުރެވިދާނެއެވެ. މިއަދުވެސް 10 ތަށި ފެންބޯން ހަނދާން ކުރާށެވެ.
ހަތަރުވަނަ ދުވަސް:
ހަތަރުވަނަ ދުވަހު ކެވޭނީ ދޮންކޭލެވެ. އަދި ތިން ތަށި ކިރު ބޯންވާނެއެވެ. މުޅި ދުވަހުގެ މައްޗަށް ބަހާލައިގެން ކާންވާނީ އަށް ވަށް ދޮންކޭލެވެ. އެއްތަށި ތަރުކާރީ ސޫޕް ބޮވިދާނެއެވެ. މިއަދުވެސް 10 ތަށި ފެން ބޯންވާނެއެވެ.
ފަސްވަނަ ދުވަސް:
މިއަދު ތަންކޮޅެއް ރަނގަޅަށް ކާންޖެހޭނެއެވެ. އެއް ޖޯޑު ބަތް އަދި މިއާއެކު އެއްގަމު މަސް އަދި ކަނޑުމަސް ކެވިދާނެއެވެ. މަސް ތައްޔާރު ކުރާއިރު ތެޔޮ ނުވަތަ ކާށިކިރު ބޭނުން ނުކުރާށެވެ. މުޅި ދުވަހު ހަ ފެހި ޓޮމާޓޯ ކާންޖެހޭނެއެވެ. އަދި 10 ތަށީގެ ބަދަލުގައި 12 ތަށި ފެން ބޯންޖެހޭނެއެވެ. މިއީ ހަށިގަނޑުގައި އުފެދޭ ޔުނިކްސްއެސިޑް ނައްތާލުމަށެވެ.
ހަވަނަ ދުވަސް:
މިއީވެސް މުޅިން ތަރުކާރީގެ ދުވަހެކެވެ. އެއް ޖޯޑު ބަތް ކާންވާނެއެވެ. ބަތާއެކު ހުރިހާ ވައްތަރެއްގެ ތަރުކާރީ ރޮލާ އަދި ކައްކައިގެން ކާށެވެ. 10 ތަށި ފެން ބުއިމަށް ހަނދާންކުރަން ވާނެއެވެ.
ހަތްވަނަ ދުވަސް:
ހަތްވަނަ ދުވަހު އެއް ޖޯޑު ބަތް ކާށެވެ. މީގެ އިތުރުން މޭވާ ޖޫސް އަދި ބަނޑު ބޮޑުވާ ވަރަށް ތަރުކާރީ ކާށެވެ. 10 ތައްޓަށްވުރެ މަދުނޫން އަދަދަކަށް ފެންބޯށެވެ.
މި ހިސާބުން މި ޑައެޓް ފުރިހަމަ ކުރެވިފައިވާނަމަ، މީހާ ހުންނާނީ ފަސް ކިލޯއާއި ހަތް ކިލޯއާއި ދެމެދުގެ ބަރުދަނަކަށް ލުއިވެފައެވެ.
މި ޑައެޓް އަދިވެސް ތަކުރާރު ކުރެވިދާނެއެވެ. އެކަމަކު އަލުން ފަށަންވާނީ ތިނެއް ނުވަތަ ހަތަރު ދުވަހުގެ ރެސްޓަކަށް ފަހުގައެވެ.
މި ޑައެޓް އުފައްދާފައިވަނީ އެމެރިކާގެ ދަނޑުވެރިކަމާއި ބެހޭ ވުޒާރާއާއި ކާނާއާ ބެހޭ އިދާރާގެ އެހީގެ ދަށުން ޖޯން ހޮޕްކިންސް ރިސަރޗް ސެންޓަރުންނެވެ. މި ޑައެޓް ހުއްދަ ކުރެވި ޖެނެރަލް މޮޓޯސް ކުންފުނިން އެ ކުންފުނީގެ ގޮފިތަކުގެ މުވައްޒަފުން ބޭނުން ކުރުމަށް ވަނީ ދޫކޮށްފައެވެ.
ޞިއްޙަތާއިބެހޭ ކުންފުންޏެއް ކަމަށްވާ ހެލީތް ކެއަރ އިންޑިއަރ ކޮމް އިން ބުނެފައިވަނީ މިއީ މިހާރު ހިކުމަށް ބޭނުންކުރަމުންދާ އެންމެ މަޝްހޫރު ޑައެޓް ކަމުގައެވެ. އަދި މި ޑައެޓް ކުންފުނިތަކާއި ބޭންކް ތަކުގެ މުވައްޒަފުން ގިނަ އަދަދަކަށް ބޭނުން ކުރަމުންދާކަމަށެވެ.
މި ޑައެޓްގެ އަމާޒަކީ ފަސް ކިލޯ އާއި ހަތް ކިލޯ އާ ދެމެދު ބަރުދަނެއް ހަފްތާއެއްގެ ތެރޭގައި ހަށިގަނޑުން ލުއިކޮށްލުމެވެ.
