މެދުއިރުމަތީގެ ހަނގުރާމައާ ގުޅިގެން ތެލުގެ އަގު ބޮޑުވެ، ވައިގެ ދަތުރުފަތުރުގެ ޓިކެޓުތަކުގެ އަގު އުފުލުމުގެ ސަބަބުން މިދިޔަ މެއި މަހު ރާއްޖޭގެ ދަތުރުފަތުރުގެ އިންފްލޭޝަން 9.3 ޕަސެންޓަށް މަތްވެއްޖެއެވެ.
ނެޝަނަލް ބިއުރޯ އޮފް ސްޓެޓިސްޓިކްސް ގެ އެންމެ ފަހުގެ ހިސާބުތަކުން ދައްކާ ގޮތުގައި، މިއީ އޭގެ ކުރީ މަހާ އަޅާބަލާއިރު 1.1 ޕަސެންޓްގެ އިތުރުވުމެކެވެ.
ވޭތުވެދިޔަ މަސްތަކުގެ އިންފްލޭޝަން ހުރި ގޮތް
މިއަހަރުގެ ކުރީކޮޅު ދަތުރުފަތުރުގެ އަގުތައް ދަށުގައި ހުރުމަށްފަހު، ފަހަކަށް އައިސް އަގުތައް އުފުލިފައިވަނީ خާއްސަ ދުވެއްޔެއްގައެވެ:
-
މެއި މަހު: 9.3 ޕަސެންޓް
-
އޭޕްރީލް މަހު: 8.2 ޕަސެންޓް
-
މާޗް މަހު: 6.0 ޕަސެންޓް
އަގުތައް މައްޗަށް ދާން ދިމާވި މައިގަނޑު ސަބަބުތައް
-
ބައިނަލްއަގުވާމީ ތެލުގެ ބާޒާރުގެ ނުތަނަވަސްކަން: މެދުއިރުމަތީގެ ހަނގުރާމައިގެ ސަބަބުން ދުނިޔޭގެ ބާޒާރުގައި ތެލުގެ އަގު ވަނީ ވަރަށް ބޮޑަށް އުފުލިފައެވެ.
-
ފްލައިޓް ޓިކެޓުގެ އަގު ބޮޑުވުން: ތެލުގެ އަގަށް އައި ބަދަލާއެކު، މި މުއްދަތުގެ ތެރޭގައި ވައިގެ ދަތުރުފަތުރުގެ ޓިކެޓުތަކުގެ އަގު 5.6 ޕަސެންޓަށް ވަނީ މަތްވެފައެވެ.
މިދިޔަ އަހަރުގެ މެއި މަހު ދަތުރުފަތުރުގެ އިންފްލޭޝަން ހުރީ އެންމެ 0.6 ޕަސެންޓުގައެވެ. އެހެންކަމުން މިއަހަރުގެ މެއި މަހުގެ ނަންބަރަކީ ގާތްގަނޑަކަށް 1,500 ޕަސެންޓުގެ ބޮޑު އިތުރުވުމެކެވެ. މިއީ ފާއިތުވި 5 އަހަރުގެ ތެރޭގައިވެސް ދަތުރުފަތުރުގެ އަގުތައް މިހާ ބޮޑަށް އުފުލުނު ފުރަތަމަ ފަހަރެވެ. މީގެ ކުރިން ދެން އެންމެ ބޮޑަށް އަގު އުފުލުނީ 2022 ވަނަ އަހަރު (6 ޕަސެންޓަށް) އެވެ.
މިދިޔަ އަހަރުގެ ސެޕްޓެމްބަރު މަހުން ފެށިގެން މިއަހަރުގެ ފެބްރުއަރީއާ ހަމައަށް ދަތުރުފަތުރުގެ އަގުތައް އައީ ވަރަށް ބޮޑަށް ދަށްވަމުންނެވެ. އެގޮތުން މިދިޔަ އަހަރު ނިމުނުއިރު އަގުތައް 0.7 ޕަސެންޓަށް ވެއްޓުނުއިރު، މިއަހަރުގެ ޖެނުއަރީ އަދި ފެބްރުއަރީ މަހުވެސް އަގުތައް ހުރީ 1.3 ޕަސެންޓް ދަށުގައެވެ. ނަމަވެސް، ދުނިޔޭގެ މަސްރަހަށް އައި ބަދަލުތަކާއެކު މިހާރު މިވަނީ ރެކޯޑު މިންވަރަކަށް އަގުތައް މައްޗަށް ގޮސްފައެވެ.
