ރާއްޖެ ޓްރާންސްޕޯޓް ލިންކް (އާރްޓީއެލް) ގެ ޕޭމަންޓް ކަލެކްޝަން ނިޒާމުގައި ބޭނުންކުރާ ބޭންކް އޮފް މޯލްޑިވްސް (ބީއެމްއެލް) ގެ ސާވަރ މެއިންޓަނަންސް މަސައްކަތްތަކެއް ކުރިއަށް ގޮސްފައިވާތީ، ކަސްޓަމަރުން ކުރިން ކޮށްފައިވާ ދަތުރުތަކާ ގުޅޭ މެސެޖުތަކެއް ލިބުމަކީ އެކަށީގެންވާ ކަމެއް ކަމަށް ހާމަކޮށްފިއެވެ.
އާރްޓީއެލްގެ ޚިދުމަތް ދެމުން އަންނަ ކުންފުނިން ބުނި ގޮތުގައި، ބޭންކުން ކުރިއަށްގެންދިޔަ މި މެއިންޓަނަންސް މަސައްކަތުގެ ސަބަބުން، އާންމު ދަތުރުފަތުރުގެ ޚިދުމަތް ބޭނުންކުރައްވާ ފަރާތްތަކުން ކުރިން ކޮށްފައިވާ ދަތުރުތަކާ ގުޅުންހުރި މުއާމަލާތްތަކުގެ ބޭންކް މެސެޖުތައް ފޯނަށް އައުން އެކަށީގެންވެއެވެ. އެހެންކަމުން، ކަސްޓަމަރުންގެ ސަމާލުކަމަށް މިކަން ގެނެސްދިނުމަށް ބޭންކުގެ ފަރާތުން ވަނީ އެދިފައެވެ.
މިކަމުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށް އެ ކުންފުނިން ވަނީ މައާފަށް އެދިފައެވެ. އަދި ކަސްޓަމަރުންގެ ފަރާތުން އަބަދުވެސް ލިބެމުންދާ ބޮޑު އެއްބާރުލުމަށް އެއާލައިނުން/ކުންފުނިން ޝުކުރު އަދާކުރެއެވެ.
މިކަމާ ގުޅިގެން އެއްވެސް އިތުރު މައުލޫމާތެއް ސާފުކުރައްވަން ބޭނުންފުޅުވާނަމަ، އެ ކުންފުނީގެ ހޮޓްލައިން ނަންބަރު 1650 އަށް ގުޅުއްވުމަށް ވަނީ އެދިފައެވެ.
