ދެހާސް ސައުވީސް ވަނަ އަހަރު، އާމްދަނީން ނަގާ ޓެކުހުގެ ފައިސާ ނުދައްކާ އަދަދު 100،000 ދިވެހި ރުފިޔާއަށްވުރެ އިތުރުވެފައިވާ 25 މީހުންނާއި ކުންފުނީގެ ނަން މީރާއިން ހާމަކޮށްފިއެވެ.
ޓެކުހުގެ ބަޔާން ހުށަނާޅާ އަދި ފައިސާ ނުދައްކާ ފަރާތްތަކުގެ ނަން ހާމަކުރާ އުސޫލުގެ ދަށުން، އެ ފަރާތްތަކުގެ މައުލޫމާތު ހާމަކުރުމުގެ ކުރިން އެ ފަރާތްތަކަށް ފޯނުން ގުޅައި، ޓެކްސް ނުދައްކާ ފަރާތްތަކަށް ޤާނޫނުގައި ކަނޑައަޅާފައިވާ އަދަބުތަކާއި، އެ ފަރާތްތަކާމެދު އަޅާނެ ފިޔަވަޅުތަކުގެ މައުލޫމާތު ކިޔައިދެވިފައިވާނެ ކަމަށާއި، އެސްއެމްއެސްގެ ޒަރިއްޔާއިންވެސް އެ ފަރާތްތަކަށް އެކަން އަންގާފައިވާނެ ކަމަށް މީރާއިން މައުލޫމާތުދެއެވެ.
އިންކަމް ޓެކްސް ނުދައްކާ ފަރާތްތައް:
- އަހުމަދު ލަސާން މުހައްމަދު (ނިއު ޒީލް، ގދ. ތިނަދޫ)
- އަލީ ޒާހިރު (ހ. އިރުވެލިގެ)
- އަމްލޮގް ޕްރައިވެޓް ލިމިޓެޑް
- އެޓޮއްލޯ ކޮންސްޓްރަކްޝަން ޕްރައިވެޓް ލިމިޓެޑް
- އަޒްރޯވާ މޯލްޑިވްސް ޕްރައިވެޓް ލިމިޓެޑް
- ސީޕްރިއާ ޕްރައިވެޓް ލިމިޓެޑް
- ޑުޕްލެކްސް ޕްރައިވެޓް ލިމިޓެޑް
- އީއާރުއައި ހޯލްޑިންސް ޕްރައިވެޓް ލިމިޓެޑް
- ފްލެކްސިންކް ޕްރައިވެޓް ލިމިޓެޑް
- އައިއެންޑް ސީ ޓްރޭޑިން ޕްރައިވެޓް ލިމިޓެޑް
- އިބްރާހިމް ހަބީބް (ކުންނާރުގަސްދޮށުގެ، ނ. ހޮޅުދޫ)
- އައިއެމްޕީ ޕްރައިވެޓް ލިމިޓެޑް
- ޖޭ ބްރަދާސް ލިމިޓެޑް
- ޖާހު ޕްރައިވެޓް ލިމިޓެޑް
- ކެއިރެޓްސޫ ޕްރައިވެޓް ލިމިޓެޑް
- ކޭއެސްޖީ އޯވަސީސް
- މެޕްސް މޯލްޑިވްސް ޕްރައިވެޓް ލިމިޓެޑް
- އެމްއެފް ޓްރޭޑިން ހައުސް ޕްރައިވެޓް ލިމިޓެޑް
- މުހައްމަދު ސަދާން ޖައުފަރު (ވަގުތު، ހދ. ކުޅުދުއްފުށި)
- އޮޕްޓިމާ ހޯލްޑިންސް ޕްރައިވެޓް ލިމިޓެޑް
- ޕްރިސްވޯޓާ ޕްރައިވެޓް ލިމިޓެޑް
- ޝޮޓް ބެވަރޭޖަސް މޯލްޑިވްސް ޕްރައިވެޓް ލިމިޓެޑް
- ސިއެރާ ސްޓާ ޖޭވީ
- ޓިމްބާ ސްޓޯރު ޕްރައިވެޓް ލިމިޓެޑް
- ޔޯމަން އެޖެންސީސް މޯލްޑިވްސް
ދަޢުލަތަށް ދައްކަންޖެހި ނުދައްކާފައިވާ ޓެކުހާއި އެހެނިހެން ފައިސާ ހޯދުމުގެ ގޮތުން މީރާއގެ އެންފޯސްމެންޓް ޕޮލިސީގެ ދަށުން އެޅުމަށް ކަނޑައަޅާފައިވާ އިތުރު ފިޔަވަޅުތައްވެސް އެއްވެސް ތަފާތުކުރުމެއް ނެތި އަޅަމުންދާނެ ކަމަށްވެސް މީރާއިން ވިދާޅުވިއެވެ.
އެހެންކަމުން، މިހާތަނަށްވެސް ޓެކުހުގެ ބަޔާން ހުށަނާޅާ ފަރާތްތަކުން އެ ބަޔާންތައް ހުށަހެޅުމާއި، ޓެކްސް ނުދައްކާ ފަރާތްތަކުން ލަސް ނުކުރައްވާ ޓެކްސް ދެއްކުމަށް ނުވަތަ މީރާއާއެެކު ޓެކްސް ދެެއްކުމުގެ އެއްބަސްވުމަކަށް އައުމަށް މިރާއިން ވަނީ އިލްތިމާސްކޮށްފައެވެ.
ރިއެކްޓް އަދި ކޮމެންޓް ކުރެއްވުމަށް
