ހުޅުމާލޭގައި އަލަށް ތަރައްގީކުރި މެންހެޓަން ގްރޭންޑް ހޮޓެލް ރަސްމީކޮށް ހުޅުވުމުގެ މުނާސަބަތުގައި، މިރޭ ހުޅުމާލޭގައި ހަވާ އެރުވުމާއެކު ބޮނޑިބަތުގެ ފަރިއްކޮޅެއް އޮންނާނެ ކަމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ބުނެފިއެވެ.
އެޗްޑީސީން ބުނީ، މި ހަރަކާތް ކުރިއަށްދާނީ މިރޭ 10:00 އިން 10:30 އަށް، ހުޅުމާލޭގައި ހުންނަ މެންހެޓަން ގްރޭންޑް ހޮޓެލް ކައިރީގައެވެ.
މި ހަރަކާތުގައި ވީހާވެސް ގިނަ ބަޔަކު ބައިވެރިވުމަށްޓަކައި، ހުރިހާ އާންމު ރައްޔިތުންނަށް ދައުވަތުދޭ ކަމަށް ވެސް އެޗްޑީސީން ބުނެފައިވެއެވެ.
މެންހެޓަން ގްރޭންޑް ހޮޓެލް މިރޭ ރަސްމީކޮށް ހުޅުވުމަށް ތައްޔާރުވެއްޖެއެވެ. މި ހޮޓެލްގައި 162 ކޮޓަރި ހުރެއެވެ.
