މީހަކަށް ގުޅައި އޯޓީޕީ ކޯޑު ހޯދުމަށްފަހު ބޭންކު އެކައުންޓަށް ވަދެ، 63,000 ރުފިޔާއާއި 21,000 ޑޮލަރު މަކަރާއި ހީލަތުން ފޭރުނު މައްސަލައެއްގައި 4 މީހަކު ހައްޔަރުކޮށް، އެ މީހުންގެ ބަންދަށް މުއްދަތު ދީފިއެވެ.
ދިވެހި ފުލުހުންގެ ޚިދުމަތުން ހާމަކުރެއްވި ގޮތުގައި، 24 އޮކްޓޫބަރު 2026 ގައި ހުށަހެޅުނު މި މައްސަލައާ ގުޅިގެން ހައްޔަރުކޮށްފައިވަނީ:
-
އިބްރާހީމް ޝާރިފް (34އ) - ޏ. ފުވައްމުލައް / ދޫޑިގަން. ގޯލްޑަންގޭޓް
-
ޖިނާޙު އަޙްމަދު (29އ) - ފ. ފީއަލި / މަތަރެސްމާގެ
-
އިބްރާހީމް މުޢާޒު (38އ) - ފ. ނިލަންދޫ / ނަޒުމު
-
ޢަލީ ދާއިން (21އ) - ލ. ގަން / މަތިމަރަދޫ. ލިލީނައިޓް
މި މީހުންގެ ތެރެއިން 3 މީހަކު އޮކްޓޫބަރު 28 ގައި ހައްޔަރުކޮށްފައިވާއިރު، ހަތަރުވަނަ މީހާ ހައްޔަރުކުރީ އޮކްޓޫބަރު 29 ގައެވެ.
މި މައްސަލައިގައި ހައްޔަރުކުރި މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން، ޖިނާޙު އަޙްމަދުގެ ބަންދަށް 10 ދުވަސް އަދި ދެން ތިބި 3 މީހުންගේ ބަންދަށް 15 ދުވަސް ކޯޓުން ވަނީ ދީފައެވެ.
މި ސްކޭމް މައްސަލަ ފުލުހުން ދަނީ އިތުރަށް ތަޙުޤީޤުކުރަމުންނެވެ.
