ކާބޯތަކެތި އިޝްތިހާރުކުރުމުގައި ތަހުލީލުކުރާ ލެބޯޓަރީތަކުން ދޫކުރާ ރިޕޯޓުތައް ބޭނުންކުރަމުންދާތީ މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން ކަންބޮޑުވުން ފާޅުކޮށްފިއެވެ.
އެ އޮތޯރިޓީން ނެރުނު ބަޔާނެއްގައިވާ ގޮތުން، ސިއްހީ އެތައް މަންފާތަކެއް ލިބޭކަމަށް ދޭހަވާގޮތަށް ރާއްޖޭގައި އުފައްދާ އަދި ވިއްކާ ބައެއް ކާބޯތަކެއްޗާ ގުޅުވައިގެން، ލެބޯޓަރީތަކުން ދޫކުރާ "ސެޓްފިކެޓް އޮފް އެނަލިސިސް" ނުވަތަ އެއިން ލިޔުމެއް އިޝްތިހާރުކުރުމުގައި ބޭނުންކުރުމަކީ ކާބޯތަކެތި އިޝްތިހާރުކުރުމާބެހޭ ގަވާއިދުގެ 13 ވަނަ މާއްދާගේ ދަށުން މަނާކަމެކެވެ.
އެމްއެފްޑީއޭއިން ފާހަގަކުރި ގޮތުގައި، އެކި ބަލިތަކަށް ޝިފާއެއް ލިބޭކަމަށް ބުނެ ނުވަތަ އިންސާނާގެ ހަށިގަނޑަށް ވަކި ޚާއްސަ ބަދަލެއް އަންނާނެކަމަށް ދޭހަވާ ގޮތަށް މާކެޓް ކުރުމަކީ ގަވާއިދުގެ 7 ވަނަ މާއްދާއާއި 9 ވަނަ މާއްދާގެ ދަށުންވެސް މަނާކަމެކެވެ. އަދި ކާބޯތަކެތީގައި ހިމަނާ ސިއްހީ މައުލޫމާތަކީ އިލްމީ ދިރާސާއަކުން ސާބިތުވާ ތެދު މައުލޫމާތަށް ވާންޖެހޭނެކަން ފާހަގަކޮށް، ހިކޭނެކަމަށް ނުވަތަ ހަށިގަނޑަށް ބޮޑެތި ބަދަލުތައް އަންނާނެކަމަށް ބުނެ އިޝްތިހާރުކުރާ އެފަދަ އުފެއްދުންތައް ބޭނުންކުރުމުގައި އިތުރަށް ސަމާލުވުމަށް އެމްއެފްޑީއޭއިން ވަނީ އިލްތިމާސްކޮށްފައެވެ.
