ޅ. ނައިފަރުން 17 އަހަރުގެ ކުއްޖަކު ގެއްލިގެން އެ ކުއްޖާ ހޯދުމުގެ މަސައްކަތް ފުލުހުން ފަށައިފިއެވެ. ފުލުހުން ހާމަކުރި ގޮތުގައި ގެއްލިގެން ހޯދަމުންދަނީ ޅ. ނައިފަރު، ނޫކަނޑު، މުޙައްމަދު އަޙްޔާން ޙުސައިންއެވެ.
އަޙްޔާން ގެއްލިގެން ނައިފަރު ޕޮލިސް ސްޓޭޝަނަށް އިއްޔެ ހަވީރު 5:30 އެހައިކަންހާއިރު ރިޕޯޓުކޮށްފައިވާއިރު، އޭނާ އެންމެ ފަހުން ފެނިފައިވަނީ މި މަހުގެ 27 ވަނަ ދުވަހުއެވެ. އޭގެ ފަހުން ޚަބަރެއް ނުވެގެން ފޯނަށް ގުޅުމުން ޖަވާބު ނުދޭތީ، އާއިލާއިން ހޯދުމަށް ކުރި މަސައްކަތުން ފެނިފައިނުވާ ކަމަށް ފުލުހުންނަށް ވަނީ މައުލޫމާތު ދީފައެވެ.
އެހެންކަމުން، މުޙައްމަދު އަޙްޔާން ޙުސައިންއާ ބެހޭ އެއްވެސް މައުލޫމާތެއް ލިބިފައިވާ ފަރާތެއް ވާނަމަ ޅ. ނައިފަރު ޕޮލިސްගේ ނަންބަރު 9792187 އަށް ނުވަތަ ފުލުހުންގެ ހޮޓްލައިން ނަންބަރު 3322111 އަށް ގުޅައި އެ މައުލޫމާތެއް ހިއްސާކުރުމަށް ފުލުހުން ވަނީ އެދިފައެވެ.
