ދިމާވި ޓެކްނިކަލް މައްސަލައަކާ ގުޅިގެން، ދިރާގު އެޕްލިކޭޝަނަށް ވަނުމަށް ބޭނުންކުރާ އޯ.ޓީ.ޕީ ކޯޑުތަކެއް ބައެއް ކަސްޓަމަރުންނަށް އެސް.އެމް.އެސް މެދުވެރިކޮށް ލިބުމަކީ އެކަށީގެންވާ ކަމެއް ކަމުގައި ދިރާގުން ބުނެފިއެވެ.
ދިރާގުން މިހެން ބުނެފައިވަނީ މީގެ އިރުކޮޅެއް ކުރިން އެކްސްގައި ކުރި ޕޯސްޓެއްގައެވެ.
📢Public Announcement
Due to an unexpected technical issue, some customers may receive SMS messages containing OTP codes generated for Dhiraagu App access.
Our team is working to resolve this issue at the earliest possible. We apologise for any inconvenience caused and thank…
— Dhiraagu (@Dhiraagu) March 22, 2026
މިގޮތުން ދިރާގުން ބުނީ އެ ކުންފުނީގެ ޓީމުން މިހާރު ދަނީ މި މައްސަލަ ވީ އެންމެ އަވަހަކަށް ހައްލުކުރުމަށްޓަކައި މަސައްކަތް ކުރަމުން ކަމަށެވެ.
ދިރާގުން ވަނީ މިކަމުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށްޓަކައި މަޢާފަށް އެދިފައެވެ.
"އަދި ތިޔަބޭފުޅުން ދެއްވާ އެއްބާރުލުމާއި ބަހައްޓަވާ ކެތްތެރިކަމަށްޓަކައި އިޚްލާޞްތެރިކަމާއެކު ޝުކުރު ދަންނަވަން"، ދިރާގުން އެކްސްގައި ކުރި ޕޯސްޓުގައި ބުނެފައިވެއެވެ.
