ޑިފެންޑަރު ކްރިސްޓިއަން ރޮމޭރޯ ޓޮޓެންހަމާއެކު އާ ކޮންޓްރެކްޓެއްގައި ސޮއިކޮށްފިއެވެ.
ޓޮޓެންހަމްގެ ލެޖެންޑު ސޮން ހިއުން މިން އުމުރުން 27 އަހަރުގެ އާޖެންޓީނާގެ ސެންޓަ ބެކް ސްޕާސްއާ ގުޅުނީ 2021 ވަނަ އަހަރުގެ އޮގަސްޓް މަހު އެޓަލާންޓާ އިން ނެވެ. އޭނާ ވަނީ އެ ކްލަބަށް 126 މެޗު ކުޅެދީ، އަށް ގޯލު ޖަހައި، ޔޫރޮޕާ ލީގުގެ ފައިނަލުގައި އެ ޓީމުގެ ކެޕްޓަންކަން ކޮށް، މެންޗެސްޓާ ޔުނައިޓެޑް ބަލިކޮށް ޓޮޓެންހަމުން ތަށި ހޯދުމަށް ކުރި 17 އަހަރުގެ އިންތިޒާރު ނިމުމަކަށް ގެނެސްފަ އެވެ.
އާ ކޯޗު ތޯމަސް ފްރޭންކް ކްލަބްގެ ކެޕްޓަނަކަށް ރޮމޭރޯ ހަމަޖެއްސިއިރު، މި އެއްބަސްވުމުގެ ދަށުން 2029 ވަނަ އަހަރާ ހަމައަށް ނޯތު ލަންޑަންގައި އޭނާ ކޮންޓްރެކްޓްގައި ހުންނާނެކަމަށް ވަނީ މައުލޫމާތު ލިބިފައެވެ. ރޮމޭރޯ ބުނީ ސްޕާސްގައި އޭނާ ހުރީ ވަރަށް އުފަލުން ކަމަށާއި، ކުރީގެ ކެމްޕޭނުގައި ޔޫރޮޕާ ލީގުގެ ތަށި ކަށަވަރުކޮށްދިނުމަށް ފަހު، އެ ކްލަބަށް ކުރިއަށް އޮތް "ހާއްސަ ސީޒަނެއް" އަންނާނެކަމަށެވެ.
އާޖެންޓީނާއާއެކު 2022 ވަނަ އަހަރުގެ ވޯލްޑް ކަޕް ކާމިޔާބު ކުރި ރޮމޭރޯއަކީ މި ވަގުތު ދުނިޔޭގައި ހުރި އެންމެ މޮޅު އެއް ޑިފެންޑަރެވެ. މި ޓްރާންސްފާ ވިންޑޯ ފެށުނު ދުވަސްކޮޅު އެތުލެޓިކޯ މެޑްރިޑުން އައީ އޭނާއަށް ފާރަލަމުންނެވެ. ނަމަވެސް ރޮމޭރޯ މި ވަނީ ޓޮޓެންހަމުގައި އޭނާ މަޑުކުރަން ބޭނުންވާކަން ހާމަކޮށް އާ ކޮންޓްރެކްޓުގައި ސޮއިކޮށްފައެވެ.
ރިއެކްޓް އަދި ކޮމެންޓް ކުރެއްވުމަށް
