މޫސުމީ ބަދަލުތަކާ ގުޅޭގޮތުން ބައިނަލްއަޤްވާމީ ފަރާތްތަކުގެ އެއްބާރުލުން އިތުރުކުރުމަށް އ.ދ.ގެ ސެކްރެޓަރީ ޖެނެރަލްގެ ޚާއްސަ މަތީ ފެންވަރުގެ ކްލައިމެޓް އެކްޝަން އިވެންޓެއްގައި ވާހަކަފުޅު ދައްކަވަމުން، ދިވެހިރާއްޖޭގެ ތިންވަނަ ކްލައިމެޓް އެކްޝަން ޕްލޭން (ސީ.އޭ.ޕީ. 3) އިޢުލާންކުރައްވައިފިއެވެ. މި ޕްލޭން އިޢުލާންކުރެއްވީ މިނިސްޓަރ ޠާރިޤް އިބްރާހީމް އެވެ.
މިނިސްޓަރގެ ވާހަކަފުޅުގައި ވަނީ، މޫސުމީ ބަދަލުތަކާ ދެކޮޅަށް ރާއްޖެއިން ކުރަމުންދާ މަސައްކަތްތަކުގައި އަބަދުވެސް އިސްދައުރެއް އަދާކުރަމުންދާކަން ފާހަގަކުރައްވާފައެވެ. ދުނިޔެއަށް ކުރިމަތިވެފައިވާ މި ބޮޑު ގޮންޖެހުމަށް ހައްލެއް ހޯދުމަށް ރާއްޖެއިން އަބަދުވެސް މަސައްކަތްކުރަމުންދާނެ ކަމަށް އޭނާ ވިދާޅުވިއެވެ.
މީގެ އިތުރުން، ދިވެހިރާއްޖެއިން ކަނޑައަޅާފައިވާ އެން.ޑީ.ސީ. (ނޭޝަނަލީ ޑިޓަރމިންޑް ކޮންޓްރިބިއުޝަންސް) ގެ އަމާޒުތައް ހާސިލުކުރުމަށް ބައިނަލްއަޤްވާމީ އެއްބާރުލުމާއި ބައިވެރިވުންތަކުގެ މުހިންމުކަމަށް މިނިސްޓަރ ޠާރީޤް ވަނީ ބާރުއަޅުއްވާފައެވެ. ކުދި ޖަޒީރާ ޤައުމުތަކަށް ކުރިމަތިވާ މޫސުމީ ގޮންޖެހުންތަކުން ސަލާމަތްވުމަށް ދުނިޔޭގެ އެންމެން ގުޅިގެން މަސައްކަތްކުރުމުގެ މުހިންމުކަން އޭނާ ފާހަގަކުރެއްވިއެވެ.
ދިވެހިރާއްޖޭގެ ތިންވަނަ ކްލައިމެޓް އެކްޝަން ޕްލޭން ތަންފީޒުކުރުމަކީ މޫސުމީ ބަދަލުތަކުގެ ނޭދެވޭ އަސަރުތަކުން ރާއްޖެ ހިމާޔަތްކުރުމަށް އަޅާ މުހިންމު ފިޔަވަޅެކެވެ.
ރިއެކްޓް އަދި ކޮމެންޓް ކުރެއްވުމަށް
