މި ރޯދަމަހުގެ ފަހު 10 ގެ އުމްރާގެ އަޅުކަމަށް ދިޔަ ހުރި ދިވެއްސަކު މިރޭ ނިޔާވެއްޖެ އެވެ.
ނިޔާވެފައިވަނީ ގދ. ނަޑެއްލާއަށް ނިސްބަތްވާ އަލީ އިބްރާހީމް ދީދީއެވެ. އުމުރުން 86 އަހަރުގެ މި މީހާ އުމްރާގެ އަޅުކަމަށް ދިޔައީ ހިޖާޒް ހައްޖު އެންޑް އުމްރާ ގްރޫޕްގެ ހަވާލުގައެވެ.
Advertisement
މި މީހާ ނިޔާވީ މިއަދު އިރުއޮއްސެނިކޮށް ކަން ވަނީ އެނގިފައެވެ. އޭނާ ހޮސްޕިޓަލަށް ގެންދިޔައިރުވެސް ވަނީ ނިޔާވެފައެވެ. މި މީހާގެ ޖަނާޒާ މިރޭ ފަތިސް ނަމާދާށްފަހު ހަރަމްފުޅުގައި ބޭއްވުމަށް ދަނީ މަސައްކަތް ކުރަމުންނެވެ.
މި ރޯދަމަހު އުމްރާގެ އަޅުކަމަށް 1600 އަށްވުރެ ގިނަ ދިވެހިން މައްކާއަށް ދިޔަކަމަށް އިސްލާމިކް މިނިސްޓްރީން ވަނީ ބުނެފައެވެ.
