ހުޅުމާލޭގައި ދެމެހެއްޓެނިވި ގޮތެއްގައި ދަނޑުވެރިކަން ކުރިއެރުވުމަށް ކުރިއަށްގެންދާ "ކޮމިއުނިޓީ އާބަން ފާމިން" މަޝްރޫއުގެ ދެވަނަ ފިޔަވަހި އިއްޔެ ރަސްމީކޮށް އިފްތިތާހުކޮށްފިއެވެ.
މި މަޝްރޫއުގެ ދަށުން ގާއިމުކޮށްފައިވާ ދަނޑުވެރި ސްލޮޓްތަކާއި ޕްލާޒާ ހުޅުވައިދެއްވީ މިނިސްޓަރ އޮފް އެގްރިކަލްޗަރ އެންޑް އެނިމަލް ވެލްފެއަރ ޑރ. މަރިޔަމް މާރިޔާއެވެ.
މިއީ ޖަޕާނު ސަރުކާރުގެ ހިލޭ އެހީގެ ދަށުން، ޔޫއެންޑީޕީ އާއި ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) ގުޅިގެން ހިންގާ މަޝްރޫއެކެވެ. މިއީ "ސަސްޓެއިނަބަލް އިކޮނޮމިކް އެމްޕަވަމަންޓް ފޯ ޑިވެލޮޕްމަންޓް އޮފް އެމްއެސްއެމްއީސް" (ސީޑްސް) މަޝްރޫއުގެ ބައެއްގެ ގޮތުގައި ކުރިއަށްގެންދާ ޕްރޮގްރާމެކެވެ.
މި މަޝްރޫއުގެ މައިގަނޑު މަޤްޞަދަކީ ހުޅުމާލޭގައި ދެމެހެއްޓެނިވި ދަނޑުވެރިކަން ކުރިއަރުވައި، ދަނޑުވެރިންނަށް ބޭނުންވާ ވަސީލަތްތަކާއި ތަމްރީނު ފޯރުކޮށްދީ، އެ ފަރާތްތަކުން އުފައްދާ ބާވަތްތައް ވިއްކައި، އެކަށީގެންވާ އާމްދަނީއެއް ހޯދޭނެ މަގު ފަހިކޮށްދިނުމެވެ. މިހާތަނަށް 84 ދަނޑުވެރިން ތަމްރީނުކޮށް، ދެވަނަ ފިޔަވަހީގެ ދަށުން 28 ދަނޑު ސްލޮޓާއި 28 ޕޮޕްއަޕް މާކެޓް ސްޓޯލް ވަނީ ގާއިމުކޮށްފައެވެ.
Minister Dr. Maryam Mariya attended as the Chief Guest at the unveiling ceremony of Urban Farming Lots 2 and the Urban Plaza — significant milestones in the collaboration between @UNDPMaldives, @JapanGov, and @hdcmaldives. These developments fall under the Project for Developing… pic.twitter.com/SzCqfCcl8X
— Ministry of Agriculture and Animal Welfare (@MAAWmv) June 4, 2025
މި މަޝްރޫއުގެ ދަށުން ދޫކޮށްފައިވާ ސްލޮޓްތަކުގެ ތެރެއިން 6 ސްލޮޓް އަންހެނުންނަށާއި، 3 ސްލޮޓް ޒުވާނުންނާއި ނުކުޅެދުންތެރިކަން ހުންނަ ފަރާތްތަކަށް ވަނީ ޚާއްޞަކޮށްފައެވެ. މިގޮތުން މި މަޝްރޫއުން އެކި އުމުރުފުރާގެ އަދި ތަފާތު ގިންތިތަކުގެ ފަރާތްތަކަށް ފުރުޞަތު ހޯދައިދީފައިވާކަން ފާހަގަކުރެވެއެވެ.
މިނިސްޓަރ މާރިޔާ ވިދާޅުވި ގޮތުގައި މި މަޝްރޫއަކީ ރާއްޖޭގެ ކާބޯތަކެތީގެ ރައްކާތެރިކަމާއި ދަނޑުވެރިކަމުގެ ދާއިރާއަށް އައު އީޖާދީ ބަދަލުތަކެއް ގެނެސްދޭނެ، އަދި ރާއްޖެއަށް އެތެރެކުރާ ކާބޯތަކެތީގެ މިންވަރު މަދުކޮށް، ރާއްޖޭގައި އުފައްދާ ތަކެތި އިތުރުކުރުމަށް މަގުފަހިވެގެންދާނެ މަޝްރޫއެކެވެ.
ރިއެކްޓް އަދި ކޮމެންޓް ކުރެއްވުމަށް
