ކުރިއަށް އޮތް ރަމަޟާން މަހު ކެފޭ، ރެސްޓޯރެންޓްތަކާއި ފިހާރަތައް ހުޅުވައިގެން ހިދުމަތް ދެވޭނެ ގަޑިތައް މިނިސްޓްރީ އޮފް އިކޮނޮމިކް ޑިވެލޮޕްމަންޓުން މިއަދު އާންމު ކޮށްފިއެވެ.
މިނިސްޓްރީން ނެރުނު އިއުލާނުގައި ބަޔާންކޮށްފައިވާ ގޮތުގައި، ރަމަޟާން މަހުގެ 15 ވަނަ ދުވަހުން ފެށިގެން ޝައްވާލް މަހުގެ 7 ވަނަ ދުވަހާ ހަމައަށް މުދާ ވިއްކާ ތަންތަން ހުޅުވިފައި ބެހެއްޓޭނީ ފަތިހު 5:30 އިން ފެށިގެން މެންދަމު 1:00 އާ ހަމައަށެވެ.
ނަމަވެސް ކެއިންބުއިމުގެ ހިދުމަތްދޭ ތަންތަނަށް ވަކި ގަޑިތަކެއް ކަނޑައަޅާފައިވެއެވެ. އެގޮތުން ރަމަޟާން މަހު ކެއިންބުއިމުގެ ހިދުމަތްދޭ ތަންތަން ހުޅުވިފައި ބެހެއްޓޭނީ ހަވީރު 5:30 އިން ފެށިގެން މެންދަމު 3:00 އާ ހަމައަށެވެ. އަދި ޝައްވާލް މަހުގެ ފުރަތަމަ 7 ދުވަހު މި ތަންތަން ހުޅުވިފައި ބެހެއްޓޭނީ ފަތިހު 4:30 އިން ފެށިގެން މެންދަމު 3:00 އާ ހަމައަށެވެ.
މިނިސްޓްރީން އިތުރަށް ފާހަގަކޮށްފައިވާ ގޮތުގައި، މި ގަވާއިދުތައް ދިވެހިރާއްޖޭގެ ހުރިހާ ރަށެއްގައިވެސް ތަންފީޒުކުރަން ޖެހޭނެއެވެ. އަދި މި ގަވާއިދުތަކާ ހިލާފުވާ ފަރާތްތަކާމެދު ފިޔަވަޅު އެޅޭނެ ކަމަށްވެސް ބަޔާންކޮށްފައިވެއެވެ.
މި ގަޑިތައް ކަނޑައެޅިފައިވަނީ ރަމަޟާން މަހުގެ ޚާއްސަ އަޅުކަންތަކަށާއި، ރޯދަވީއްލުމާއި ތަރާވީހު ނަމާދަށް ފަސޭހަވާނެ ގޮތަށް ރިއާޔަތްކޮށްގެންނެވެ.
ރިއެކްޓް އަދި ކޮމެންޓް ކުރެއްވުމަށް
