ބުލީކުރުމަކީ ޤާނޫނީ ގޮތުން ކުށެއްގެ ގޮތުގައި ކަނޑައެޅުމަށްޓަކައި ވަކި ޚާއްސަ ޤާނޫނެއް އެކުލަވާލުމުގެ މަސައްކަތް ސަރުކާރުން ފަށާފައިވާ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން، އެމަނިކުފާނު ވަނީ މި ޤާނޫނުގެ ދަށުން ބުލީކުރުން ހުއްޓުވުމަށް އެޅޭނެ ފިޔަވަޅުތަކާއި އޭގެ މުހިންމު ބައިތަކުގެ ތަފްސީލު ހާމަކުރައްވާފައެވެ.
ރައީސް ވިދާޅުވި ގޮތުގައި 'އެންޓި ބުލީން' ޤާނޫނު އެކުލަވާލުމުގެ މަސައްކަތް މިހާރު ދަނީ އެޓަރނީ ޖެނެރަލްގެ އޮފީހުން ކުރިއަށް ގެންދަވަމުންނެވެ. މި މަސައްކަތް ކުރިއަށްދަނީ ކަމާބެހޭ ފަންނީ މާހިރުންގެ ލަފަޔާއެކު ކަމަށާއި، މަޝްވަރާގެ މަރުހަލާތައް ނިމުމުން ރައްޔިތުންގެ މަޖިލީހަށް އެ ބިލު ހުށަހަޅުއްވާނެ ކަމަށް އެމަނިކުފާނު ވިދާޅުވިއެވެ. މި ޤާނޫނުގެ މައިގަނޑު ބޭނުމަކީ ބުލީކުރުން ހުއްޓުވުމަށް ރައްކާތެރިކަމުގެ ފިޔަވަޅުތައް ވަރުގަދަކޮށް، އެފަދަ އަމަލުތައް ހިންގާ ފަރާތްތަކަށް އަދަބު ދެވޭނެ ހަރުދަނާ ނިޒާމެއް ގާއިމުކުރުމެވެ.
މި އައު ޤާނޫނުގައި ބުލީކުރުމުގެ މާނައާއި، އެ ޤާނޫނު ހިނގާނެ ދާއިރާތައް ސާފުކޮށް ބަޔާންކުރެވިފައި އޮންނާނެއެވެ. ޚާއްސަކޮށް ތަޢުލީމީ މުއައްސަސާތަކުގައި ބުލީކުރުން ހުއްޓުވުމަށް ޚާއްސަ އުސޫލުތަކެއް ކަނޑައަޅައި، މައްސަލަތައް ރިޕޯޓްކުރާނެ މަރުކަޒީ ނިޒާމެއް ގާއިމުކުރުމާއި، ސްކޫލް މަންހަޖުގެ ތެރޭގައި މިކަމާ ގުޅޭ ހޭލުންތެރިކަން ހިމެނުމަށް ވަނީ ނިންމާފައެވެ. މީގެ އިތުރުން ވަޒީފާގެ މާހައުލާއި، ސިއްޙީ ޚިދުމަތްދޭ ތަންތަނުގެ އިތުރުން އޮންލައިންކޮށް ކުރާ ބުލީ ނުވަތަ ސައިބަރ ބުލީން ހުއްޓުވުމުގެ މާއްދާތައްވެސް މި ޤާނޫނުގައި ހިމެނޭނެއެވެ.
ރައީސުލްޖުމްހޫރިއްޔާ އިތުރަށް ފާހަގަކުރެއްވި ގޮތުގައި، މި ޤާނޫނު އެކުލަވާލުމުގައި ބޭރުގެ ކުރިއަރާފައިވާ ޤައުމުތަކުގެ ތަޖުރިބާއަށް ބައްލަވާނެއެވެ. މި މައްސަލައަށް ދާއިމީ ހައްލެއް ހޯދުމަށްޓަކައި މުޖުތަމަޢުގެ ހުރިހާ ފަރާތްތަކެއްގެ އެއްބާރުލުން ބޭނުންވާނެ ކަމަށާއި، މިއީ އެންމެން ގުޅިގެން އެއް ރޫހެއްގައި މަސައްކަތް ކޮށްގެން ނޫނީ ނަތީޖާ ނެރެވޭނެ ކަމެއް ނޫން ކަމަށްވެސް އެމަނިކުފާނު ވިދާޅުވިއެވެ.
ބުލީކުރުމަކީ ޤާނޫނީ ގޮތުން ކުށެއްގެ ގޮތުގައި ކަނޑައެޅުމަށްޓަކައި ވަކި ޚާއްސަ ޤާނޫނެއް އެކުލަވާލުމުގެ މަސައްކަތް ސަރުކާރުން ފަށާފައިވާ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިޢުލާނު ކުރައްވައިފިއެވެ. ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން، އެމަނިކުފާނު ވަނީ މި ޤާނޫނުގެ ދަށުން ބުލީކުރުން ހުއްޓުވުމަށް އެޅޭނެ ފިޔަވަޅުތަކާއި އޭގެ މުހިންމު ބައިތަކުގެ ތަފްސީލު ހާމަކުރައްވާފައެވެ.
ރައީސް ވިދާޅުވި ގޮތުގައި 'އެންޓި ބުލީން' ޤާނޫނު އެކުލަވާލުމުގެ މަސައްކަތް މިހާރު ދަނީ އެޓަރނީ ޖެނެރަލްގެ އޮފީހުން ކުރިއަށް ގެންދަވަމުންނެވެ. މި މަސައްކަތް ކުރިއަށްދަނީ ކަމާބެހޭ ފަންނީ މާހިރުންގެ ލަފަޔާއެކު ކަމަށާއި، މަޝްވަރާގެ މަރުހަލާތައް ނިމުމުން ރައްޔިތުންގެ މަޖިލީހަށް އެ ބިލު ހުށަހަޅުއްވާނެ ކަމަށް އެމަނިކުފާނު ވިދާޅުވިއެވެ. މި ޤާނޫނުގެ މައިގަނޑު ބޭނުމަކީ ބުލީކުރުން ހުއްޓުވުމަށް ރައްކާތެރިކަމުގެ ފިޔަވަޅުތައް ވަރުގަދަކޮށް، އެފަދަ އަމަލުތައް ހިންގާ ފަރާތްތަކަށް އަދަބު ދެވޭނެ ހަރުދަނާ ނިޒާމެއް ގާއިމުކުރުމެވެ.
މި އައު ޤާނޫނުގައި ބުލީކުރުމުގެ މާނައާއި، އެ ޤާނޫނު ހިނގާނެ ދާއިރާތައް ސާފުކޮށް ބަޔާންކުރެވިފައި އޮންނާނެއެވެ. ޚާއްސަކޮށް ތަޢުލީމީ މުއައްސަސާތަކުގައި ބުލީކުރުން ހުއްޓުވުމަށް ޚާއްސަ އުސޫލުތަކެއް ކަނޑައަޅައި، މައްސަލަތައް ރިޕޯޓްކުރާނެ މަރުކަޒީ ނިޒާމެއް ގާއިމުކުރުމާއި، ސްކޫލް މަންހަޖުގެ ތެރޭގައި މިކަމާ ގުޅޭ ހޭލުންތެރިކަން ހިމެނުމަށް ވަނީ ނިންމާފައެވެ. މީގެ އިތުރުން ވަޒީފާގެ މާހައުލާއި، ސިއްޙީ ޚިދުމަތްދޭ ތަންތަނުގެ އިތުރުން އޮންލައިންކޮށް ކުރާ ބުލީ ނުވަތަ ސައިބަރ ބުލީން ހުއްޓުވުމުގެ މާއްދާތައްވެސް މި ޤާނޫނުގައި ހިމެނޭނެއެވެ.
ރައީސުލްޖުމްހޫރިއްޔާ އިތުރަށް ފާހަގަކުރެއްވި ގޮތުގައި، މި ޤާނޫނު އެކުލަވާލުމުގައި ބޭރުގެ ކުރިއަރާފައިވާ ޤައުމުތަކުގެ ތަޖުރިބާއަށް ބައްލަވާނެއެވެ. މި މައްސަލައަށް ދާއިމީ ހައްލެއް ހޯދުމަށްޓަކައި މުޖުތަމަޢުގެ ހުރިހާ ފަރާތްތަކެއްގެ އެއްބާރުލުން ބޭނުންވާނެ ކަމަށާއި، މިއީ އެންމެން ގުޅިގެން އެއް ރޫހެއްގައި މަސައްކަތް ކޮށްގެން ނޫނީ ނަތީޖާ ނެރެވޭނެ ކަމެއް ނޫން ކަމަށްވެސް އެމަނިކުފާނު ވިދާޅުވިއެވެ.
